Heimsmeistaramóti íslenska hestsins lauk í gær í Berlín. Íslendingar hlutu sex gullverðlaun af níu í flokki fullorðinna, eitt gull í flokki ungmenna og fjögur af sex kynbótahrossum sem Íslendingar sendu á mótið urðu efst í sínum flokki.

Skrifstofa LH er lokuð til 14.ágúst vegna heimsmeistarmóts íslenska hestsins í Berlín.

Forkeppni í fimmgangi er nú lokið á Heimsmeistaramótinu í Berlín. Olil Amble og Álfarinn frá Syðri-Gegnishólum áttu frábæra sýningu og eru efst eftir forkeppni með einkunnina 7,53 og Gústaf Ásgeir Hinrkisson er fimmti eftir forkeppni og mæta þau bæði í a-úrslit á sunnudag. Í ungmennaflokki áttu Glódís Rún Sigurðardóttir og Trausti frá Þóroddsstöðum mjög góða sýningu en voru dæmd úr leik vegna smávægilegs áverka og Ylfa Guðrún Svafarsdóttir og Bjarkey frá Blesastöðum drógu sig úr keppni þar sem Bjarkey varð fyrir óhappi á æfin

Þriðjudaginn 6. ágúst hófst íþróttakeppni heimsmeistarmótsins í Berlín með forkeppni fjórgangi. Íslendingar tefldu fram fjórum knöpum í flokki fullorðinna og tveimur í ungmennaflokki. Efstur eftir forkeppni er Árni Björn Pálsson og Flaumur frá Sólvangi með 7,67 í einkunn, annar er Jóhann Skúlason á Finnboga frá Minni-Reykjum með 7,43. Ásmundur Ernir Snorrason og Frægur frá Strandarhöfði enduðu sjöttu og eru þar með efstir inn í b-úrslit sem fara fram á laugardag. Máni Hilmarsson og Lísbet frá Borgarnesi áttu ekki sinn besta dag og náðu ekki í úrslit. Ásdís Ósk Elvarsdóttir og Koltinna frá Varmalæk eru í öðru sæti í flokki ungmenna og Hákon Dan Ólafsson og Stirnir frá Skirðu eru fjórðu inn í úrslit. Öll a-úrslit fara fram á sunnudag og verður spennandi að fylgjast með okkar fólki þar.

Setningarathöfn Heimsmeistaramóts íslenska hestsins 2019 í Berlín fór fram í dag og þar með er mótið formlega hafið. Liðin gengu inn á keppnisvöllinn hvort af öðru stilltu sér upp í miðju vallarins. Hópreið fór einnig í gegnum borgina allt frá Brandenborgarhliðinu og inn á keppnissvæðið í Karlshorst.

Þórir Haraldsson forstjóri Líflands og Kristinn Skúlason formaður landsliðsnefndar LH nýttu tækifærið og skrifuðu undir áframhaldandi samstarfssamning en Lífland hefur verið aðal styrktaraðili íslenska landsliðsins í hestaíþróttum um árabil.

Stuðningsmannatreyjan er polobolur úr afar vönduðu efni með góðri öndun, fæst bæði í karla- og kvennasniði í öllum stæðrum og einni barnastærð. Verð 5.900 kr. Væntanlegir í verslun Líflands og verða einnig til sölu á Heimsmeistaramótinu í Berlín í bás Horses of Iceland.

Landslið Íslands fyrir Heimsmeistaramót íslenska hestsins í Berlín var kynnt í verslun Líflands í dag en Lífland er einn aðal styrktaraðili landsliðsins. Sigurbjörn Bárðarson landsliðþjálfari fór yfir val á knöpum og hestum í liðið. Við val á landsliðinu var horft til árangurs á þremur WorldRanking-mótum og var Íslandsmótið í byrjun júlí síðasta af þessum þremur mótum. Einnig var horft til árangurs íslenskra knapa á stórmótum erlendis.

Miðvikudaginn 26 júni héldu Margrét Lára Viðarsdóttir og Elísa Viðarsdóttir landsliðskonur í knattspyrnu fyrirlestur fyrir U-21 landsliðið um geðheilbrigði og næringu íþróttamanna og hvernig megi tengja þessa þætti saman til að hámarka árangur í íþróttum.

Ferðir með beinu flugi til Berlínar seldust hratt upp en nú býður VitaSport upp á flug til Hamborgar 8. ágúst, rútu til Berlínar og beint flug heim frá Berlín 13. ágúst. Gist verður á Hótel Andel Vienna House, miði inn á mót í Íslendingastúku er innifalinn í verði.