Teitur Árnason á Hraunari frá Kirkjuferjuhjáleigu var hársbreidd frá Norðurlandameistaratitli í gæðingaskeiði ungmenna á NM2008 í Seljord. Niðurhæging í fyrri spretti mistókst en seinni spretturinn var mjög góður. Hann hafnaði í öðru sæti. Það var hins vegar Svíinn Hedvig Larsson sem hreppti gullið með nokkrum yfirburðum, fékk 6,30 í einkunn. Arnar Bjarki Sigurðsson á Snar frá Kjartansstöðum varð fjórði.

Ragnheiður Hallgrímsdóttir er Norðurlandameistari í gæðingaskeiði unglinga. Hún reið hestinum Júpíter frá Ragnheiðarstöðum, sem er undan Kolskeggi frá Kjarnholtum og Venusi frá Skarði, sem Sigurður Matthíasson reið sig frægan á um árið.

Heimir Gunnarsson á Ör frá Prestsbakka er efstur í fjórgangi fullorðinna á NM2008 eftir forkeppni með 6,97 í einkunn. Hann átti hnökralitla og heilsteypta sýningu og allir dómarar nokkuð sammála í einkunnum. Næstur er Jóhann Skúlason á Kiljan frá Blesastöðum 1A með 6,90. Báðir keppa fyrir Ísland, báðir búsettir í útlöndum.

Vikuna 12. – 20.júlí fóru 9 íslenskir unglingar til Brunnadern í Sviss þar sem þau tóku þátt í þjálfun og keppni á FEIF Youth Cup. Þátttakendur á mótinu voru 72 frá 12 aðildarlöndum FEIF. Það er æskulýðsnefnd FEIF sem stendur fyrir mótinu og þykir það heiður að vera valin til fararinnar.

Vikuna 12. – 20.júlí fóru 9 íslenskir unglingar til Brunnadern í Sviss þar sem þau tóku þátt í þjálfun og keppni á FEIF Youth Cup. Þátttakendur á mótinu voru 72 frá 12 aðildarlöndum FEIF. Það er æskulýðsnefnd FEIF sem stendur fyrir mótinu og þykir það heiður að vera valin til fararinnar.

Röðull frá Kálfholti og Ísleifur Jónasson voru langefstir í B-flokki gæðinga og áttu hreint frábæra sýningu í A-úrslitunum í dag. Annar varð Eldjárn frá Tjaldhólum og Akkur frá Brautarholti þriðji.

Grettir Jónasson á Gusti frá Lækjarbakka gerði sér lítið fyrir og sigraði A-úrslitin í ungmennaflokki, en hann kom inn sem áttundi knapi eftir sigur í B-úrslitum í gær, laugardag. Keppnin var jöfn og æsispennandi.

Viðar Ingólfsson og Tumi frá Stóra-Hofi sigruðu A-úrslit í tölti í kvöld, laugardag, eftir æsispennandi viðureign. Þorvaldur Árni Þorvaldsson og Rökkvi frá Hárlaugsstöðum fengu tvær tíur fyrir yfirferðina, en það dugði þeim ekki til sigurs.

Sigurði Sig tókst ekki að slá eigið heimsmet í skeiði þegar knapar reyndu með sér í kvöld. Margir magnaðir skeiðsprettir voru farnir, en það dugði ekki til að slá metið 7,18 sekúndur.

Viðar Ingólfsson og Tumi frá Stóra-Hofi sigruðu A-úrslit í tölti í kvöld, laugardag, eftir æsispennandi viðureign. Þorvaldur Árni Þorvaldsson og Rökkvi frá Hárlaugsstöðum fengu tvær tíur fyrir yfirferðina, en það dugði þeim ekki til sigurs.