Hin árlega stórhátíð hestamanna, sjálf Uppskeruhátíðin, fer fram laugardaginn 8. nóvember nk. á Broadway í Reykjavík.

Ársþing Landssambands hestamannafélaga 2008 verður haldið á Kirkjubæjarklaustri 24. og 25. október.

Tölvunefnd LH leggur til að FELIX, félagaskráningarkerfi ÍSÍ, verði eina löglega félagaskráningarkerfið innan Landssambands hestamannafélaga. Tillaga þess efnis frá nefndinni liggur fyrir 56. Landsþingi LH.

Hekla Katarína Kristinsdóttir bæði grét og hló eftir frækilegan sigur í tölti ungmenna. Hún þurfti að heyja bráðabana við norsku stúlkuna Tinu Kalmo Pedersen á Hrefnu frá Ebru, sem er glæsileg klárhryssa undan Trú frá Wetsinghe, Týssyni frá Rappenhof.

Heimir Gunnarsson á Ör frá Prestsbakka er Norðurlandameistari í tölti fullorðinna og hefur þar með unnið tvöfalt, bæði tölt og fjórgang.

Svíar eru sérfræðingar í slaktaumatölti, tölti T2. Þeir hrepptu gull í öllum aldursflokkum. Eva-Karin Bengtsson á Kyndli frá Hellulandi sigraði af öryggi í fullorðinsflokki eins og gert var ráð fyrir, hlaut 7,42 en næstu keppendur, Ann Fornstedt á Putta frá Tungu, einnig frá Svíþjóð, og Daninn Fredrik Rydström á Króki frá Efri- Rauðalæk urðu í öðru til þriðja sæti með 6,92.

Heimir Gunnarsson er Norðurlandameistari í fjórgangi á Ör frá Prestsbakka. Agnes Helga Helgadóttir, sem keppir fyrir Svíþjóð, varð önnur á Góðdísi frá Toven með 7,13. Þriðja varð Lilian Pedersen, Danmörku, á Þór frá Ketu með 7,10. Það var því mjótt á munum og engin leið að geta sér til um úrslitin fyrirfram, áður en röðin var lesin upp.

Arnar Bjarki Sigurðsson á Snarpi frá Kjartansstöðum er Norðurlandameistari ungmenna í fimmgangi. Hann var fimmti inn í A úrslit eftir forkeppni. Hann reið forkeppnina fremur varlega og ekki mikill gustur á hestinum.

Rasmus Møller Jensen, Danmörku, á Svip frá Uppsölum er Norðurlandameistari í fimmgangi fullorðinna. Hann kom fyrstur inn í úrslit og vann þau með nokkrum yfirburðum, fékk 7,28 í einkunn.

Guðmundur Einarsson á Sprota frá Sjávarborg vann ekki 100m fljúgandi skeið eins og flestir bjuggust við. Það var danska stúlkan Tania Höjvang Olsen á Sóloni frá Strö sem skaust fram fyrir keppinauta sína á 7,52 sekúndum.