Myndir frá Ístölti Æskunnar í Skautahöllinni eru nú komnar hér á vefinn. Smelltu á "Ljósmyndi" hér til vinstri á síðunni og þar getur þú skoðað ýmsar myndir frá mótum vetrarins.

Nú fer senn að líða að stórveislu hestamanna á Akureyri – Fákar & Fjör 2009 – en hún verður þann 18. apríl næstkomandi kl 20,30 í reiðhöll Léttis á Akureyri.  Skipuleggjendur finna fyrir miklum áhuga á sýningunni enda munu flestir af helstu ræktendum og keppendum landsins sýna sig með sinn besta hestakost.

Skráning á hið sívinsæla Kvennatölt Gusts er á fullu, en skráning fer eingöngu fram á netinu á vef Gusts, www.gustarar.is. Í dag er lokadagur skráningar og verður opið fyrir hana til miðnættis. Með því að smella á hnappinn „Skráning“ í valborðanum efst á heimasíðu Gusts opnast skráningarkerfið og þarf fyrst að slá inn kennitölu til að skráning verði virk. Ganga þarf frá greiðslu með greiðslukorti samhliða skráningunni, að öðrum kosti er hún ekki gild.

Stóðhestaveisla Rangárhallarinnar var haldin síðastliðin laugardag. Óhætt er að segja að sunnlenskum hestamönnum hafi tekist ætlunarverk sitt; að endurvekja stemmningu gömlu góðu Gunnarsholtssýningarnar! Rangárhöllinn var stútfull af áhorfendum. Bílaflotinn á malbikaða bílastæðinu á Gaddstaðaflötum gaf helst til kynna að Landsmót væri hafið. Svo stór var hann.

Líflandsmót æskulýðsnefndar Fáks verður haldið í Reiðhöllinni í Víðidal sunnudaginn 19.apríl. Skráning verður í Reiðhöllinni þriðjudaginn 14.apríl milli kl. 18 og 20. Einnig verður tekið við skráningum á sama tíma í síma 567 0100 og 897 4467. Eftir þennan tíma verður ekki tekið við skráningum.

Ístölt æskunnar var haldið í Skautahöllinni í Reykjavík í gærkvöldi. Keppt var í tveimur flokkum, unglingaflokki, 52 skáningar, og ungmennaflokki, 29 skráningar. Sara Sigurbjörnsdóttir varð efst í ungmennaflokki á Jarli frá Syðstu-Fossum, og Arna Ýr Guðnadóttir í unglingaflokki á Þrótti frá Fróni.

Ólafur Andri Guðmundsson var útnefndur Knapi ársins 2008 í Gusti á Dymbilvikusýningunni í gærkvöldi. Ólafur Andri er vel að titlinum komin, vaxandi keppnismaður, prúður, fagmannlegur og góð fyrirmynd. Á liðnu ári varð hann m.a. Íslandsmeistari í samanlögðum fimmgangsgreinum í opnum flokki á Íslandsmóti, keppti fyrir hönd Gusts á LM, vann til verðlauna á ýmsum mótum og sýndi eftirminnilega hryssuna Djörfungu frá Ketilsstöðum í kynbótadómi, en hún varð 2. í flokki fjögurra vetra hryssna á LM 2008 og er ein hæst dæmda 4ra vetra hryssa í heiminum í dag, með 8.68 fyrir hæfileika.

Skráning á hið sívinsæla Kvennatölt Gusts er hafin, en skráning fer eingöngu fram á netinu á vef Gusts, www.gustarar.is. Með því að smella á hnappinn „Skráning“ í valborðanum efst opnast skráningarkerfið og þarf fyrst að slá inn kennitölu til að skráning verði virk. Ganga þarf frá greiðslu með greiðslukorti samhliða skráningunni, að öðrum kosti er hún ekki gild. Skráning er opin til miðnættis þriðjudaginn 14. apríl nk.

Æskulýðsmót á ís verður haldið í Skautahöllinni í Reykjavík á morugn, þann 9. apríl.  Mótið er haldið til styrktar æskulýðsstarfi LH og er fyrsta sinnar tegundar í þessum aldursflokkum. Keppt verður í tveimur flokkum: 14 – 17 ára og 18 – 21 árs og er skráningu lokið.

Páskamót Sleipnis verður haldið í kvöldí Ölfushöllinni, miðvikudaginn 8. apríl og hefst það klukkan 18.30. Mótið er haldið í samstarfi við Lögmenn Suðurlandi, Baldvin og Þorvald og Toyota Selfossi. Keppt verður í tölti og skeiði. Þess má geta að á meðal keppenda eru gamlar frægar kempur: Skúli Steinsson á Eyrarbakka, Már Ólafsson í Dalbæ og Magnús Halldórsson á Hvolsvelli. Eitthvað sem enginn má láta fram hjá sér fara.