Landsliðseinvaldur íslenska landsliðsins í hestaíþróttum og landsliðsnefnd LH boðar til opins fundar um málefni landsliðsins. Fundurinn fer fram þriðjudaginn 26. maí í reiðhöllinni Víðidal kl. 18:00.

Fimmtíu og einn nemandi var brauskráður úr hestafræðideild Hólaskóla síðastliðinn föstudag. Morgunblaðsskeifan er veitt fyrir besta samanlagða árangur í reiðmennskunámskeiðum vetrarins á 1. ári. Skeifuhafinn í ár er Ragnhildur Haraldsdóttir. Ragnhildur fékk einnig reiðmennskuverðlaun FT. Hestur Ragnhildar er Villi frá Hvítanesi.

Íþróttamót Geysis fór fram á Gaddstaðaflötum um helgina. Meðfylgjandi eru heildar úrslit mótsins.

Ungi maðurinn sem lést eftir vinnuslys í Garðinum í síðustu viku hét Kristján Falur Hlynsson, 18 ára. Hann var hestamaður af lífi og sál og stundaði hestamennskuna ásamt fjölskyldu sinni hjá Mána í Keflavík. Öllum viðburðum hjá Mána hefur verið frestað um óákveðinn tíma.

Skrifstofa LH verður lokuð föstudaginn 22. maí. Hægt er að hringja í starfsmann s: 849 8088 ef nauðsyn krefur. Kveðja Starfsmenn LH

Hermann Árnason og félagar unnu frækilegt afrek í dag, eða öllu heldur síðastliðna nótt, er þeir sundriðu Jökulsá á Breiðamerkursandi. Áin hefur ekki verið sundriðin áður í manna minnum, allavega ekki eftir að farvegur hennar komst í þá mynd sem hann er nú. Yfirleitt var farið fyrir hana á jökli, eða hestar voru teymdir yfir á ferjubát.

Fyrstu skeiðleikar Skeiðfélagsins fóru fram á félagssvæði Sleipnis á Selfossi í gærkvöldi. Sigurbjörn Bárðarson vann gull og silfur í 250 m skeiði og Ragnar Tómasson jr. bar sigur úr býtum í 100 m skeiði. Það var hins vegar Þorkell Bjarnason sem kom fyrstur mark í 150 m skeiði á Veru frá Þóroddsstöðum.

Nú er verið að taka niður skráningar á kynbótasýninguna á Gaddstaðaflötum við Hellu. Tekið er við skráningum í síma 480-1800. Síðasti skráningardagur er á morgun miðvikudaginn 20. maí. Einnig er á auðveldan hátt hægt að skrá hross í kynbótadóm á heimasíðu Búnaðarsambands Suðurlands  http://www.bssl.is/ þar er einnig að finna ýmsan fróðleik um kynbótasýningar.       Búnaðarsamband Suðurlands    

Hollaröðun fyrir kynbótasýninguna á Sörlastöðum í næstu viku er að finna á heimasíðu Búnaðarsambands Suðurlands http://www.bssl.is/ en hún var uppfærð í dag vegna smávægilegra breytinga. Sýningin hefst stundvíslega kl. 8:00 mánudaginn 25. maí nk. Búnaðarsamband Suðurlands

Opið World-Ranking Íþróttamót Sörla Verður haldið á Sörlastöðum 23. og 24. maí. Allir flokkar í boði. Skráning er á miðvikudaginn 20. maí milli klukkan 19:00 og 21:00 Allir velkomnir.   Mótanefnd Sörla <http://www.sorli.is/GetMynd.asp?aID=1128>