Í dag fer fram forkeppni í fjórgangi, tölt T2 og gæðingaskeiði fram á Sörlavöllum. Hér eru uppfærðir ráslistar og dagskrá. Talsvert hefur verið um afskráningar, svo sumir keppendur færast til í dagskránni. Ráslistarnir verða hengdir upp í knapahesthúsum og á Sörlastöðum.

Íslandsmótið hófst í dag með keppni í fimmgangi í blíðskaparveðri á Sörlavöllum. Mikið var um tilþrif á frábæru keppnissvæði Sörlamanna. Efstu fimm fara beint í A-úrslit á laugardag. Í B-úrslitum á föstudag þarf Viðar að velja annan hestinn sinn og þar af leiðandi verða sjö hestar í B-úrslitum þar sem þrír eru jafnir í 11-13 sæti. Úrslit eftir forkeppni í fimmgangi eru eftirfarandi.

Opnað hefur verið fyrir umsóknir í Afrekskvennasjóð Íslandsbanka og ÍSÍ. Tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri.

Íslandsmót fullorðinna verður haldið á Sörlastöðum í Hafnarfirði dagana 25.ágúst til 28.ágúst. Hér má sjá ráslistana fyrir mótið.

Landssamband hestamannafélaga hefur í samvinnu við Reykjavíkurborg komið upp glæsilegri ljósmyndasýningu í Hljómskálagarðinum.

Þá er lokið ágætu móti á Melgerðismelum þrátt fyrir mikla rigningu á sunnudeginum. Sterkir hestar voru á mótinu og sáust tölur upp í 8,71 í A-flokki hjá Tristan frá Árgerði og 8,70 hjá Degi hjá Strandarhöfði.

Félagsmót Stíganda fór fram í norðangarra með rigningu á milli. En keppendur létu það ekki á sig fá heldur tóku þátt í fínu móti á Vindheimamelum í dag. Eftir forkeppni í B-flokki sem var á hringvellinum þurfti að færa aðrar greinar á beinu brautina næst dómskúr vegna mikillar bleytu og leðju á hringvellinum. Tóku knapar þessu vel og öttu harða keppni.

Smalamennskur og fjárleitir eru vandasamt verk þar sem gæta þarf öryggis en alltaf ætti að hafa velferð fjárins og hrossanna að leiðarljósi.

Mjög góð þátttaka er á Íslandsmót fullorðinna í hestaíþróttum sem fram fer á Sörlastöðum í Hafnarfirði 25.- 28.ágúst.  Vegna mikils fjölda óskum við eftir góðu samstarfi við knapa. Dagskrá mótsins er eftirfarandi.

Ítarlegar rannsóknir hafa nú leitt í ljós að smitandi hósti í hrossum stafar fyrst og fremst af bakteríusýkingu (Streptococcus zooepidemicus) í efri hluta öndunarfæranna, barka og jafnvel berkjum.