Nýlega bættust Hestamannafélögin Sörli og Léttir í hóp þeirra sem hafa keypt aðgang að myndefninu á WorldFeng

FEIF Youth Cup 2020 verður haldinn í Vilhelmsborg í Danmörku 18. – 26. júlí 2020 og er fyrir unglinga sem eru 14 – 17 ára 2020.

Frá og með mánudeginum 16. mars nk.kl. 00:01 mun taka gildi samkomubann á landinu sem gilda mun í fjórar vikur eða til og með 13. apríl nk. Þetta bann hefur víðtæk áhrif á íþróttahreyfinguna því í takmörkuninni felst að fjöldasamkomur eru óheimilar á gildistíma bannsins.

Landsmót ehf. auglýsti nýverið eftir umsóknum um Landsmót 2024. Umsóknarfrestur var til 1. mars.

Landssamband hestamannafélaga auglýsir eftir umsóknum dómara um dómgæslu á Norðurlandamóti. Norðurlandamótið 2020 fer fram í Norrköping í Svíþjóð dagana 27. júlí til 2. ágúst.

Nýlega bættist við myndefni frá LM 2011 á Vindheimamelum í WorldFeng þ.e.a.s. stóðhestar, úrslit og skeið.

Landssamtök íslenska hestsins í Noregi (Norsk Islandshestforengin) stendur fyrir hestaferð í Noregi í samvinnu við frístundareiðmennskunefnd FEIF (Leisure Riding Committee). Er þessi ferð hluti af hátíð í Noregi sem kallast Fjellfestival og fer fram dagana 19. til 23. ágúst 2020.

Í haust var stofnaður félagsskapur sjálfboðaliða um endurbætur á Skógarhólum, “Vinir Skógarhóla”, sem vilja leggja sitt að mörkum til að bæta aðstöðuna þar.

Skógarhólar eru í eigu Hestamannafélaganna í landinu og er saga Skógarhóla samofin sögu Landssambands hestamannafélaga. Á þessu ári eru 70 ár síðan fyrsta Landsmót hestamanna var haldið á Skógarhólum.

Á síðasta ári stóð Hestamannafélagið Neisti fyrir því að smíða veglegt áningargerði við Sveinsstaði í Austur-Húnavatnssýslu. Við Sveinsstaði mætast margar og fjölfarnar leiðir bæði ofan af hálendi og innan sveitar. Aðstaðan sem fyrir var voru eingöngu þau mannvirki sem bændur á Sveinsstöðum komu sér upp til eigin nota. Umferð um Sveinsstaði var orðin mikil og oft fjöldi hópa í áningu á sama tíma. Það þótti því bæði nauðsynlegt og eðlilegt að reyna að koma upp betri aðstöðu á þessum krossgötum.