01.04.2009
Frægir stóðhestar eru á meðal hesta sem keppa munu í fimmgangi í Meistaradeild VÍS annað kvöld, fimmtudaginn 2. apríl. Þar
á meðal eru þeir Tónn frá Ólafsbergi (H:8,83), knapi Daníel Jónsson. Daníel og Tónn voru í úrslitum í
fjórgangi í Meistaradeildinni fyrr í vetur. Einnig eru skráðir Illingur frá Tóftum (H:8,81), knapi Halldór Guðjónsson, og Þytur
frá Neðra-Seli (H:8,68).
31.03.2009
Landbúnaðarháskólinn á Hvanneyri kynnir eftirfarandi sýnikennslu sem er öllum opin og að kostnaðarlausu, en æskilegt að viðkomandi
skrái sig til leiks! Equicoach – Markþjálfun sem notar hestinn sem spegil - er vinsæl nýjung frá Belgíu, sem nú er að nema
land á Íslandi.
31.03.2009
Miðar á Ístölt – Þeir allra sterkustu - eru komnir í sölu í Líflandi. Miðinn kostar 3000 krónur. Ef einhverntíma hefur
verið ástæða til að fá sér einn - þá er það núna! Allar helstu kanónur á meðal íslenskra knapa verða
á meðal keppenda, þar á meðal gullverðlaunahafarnir fjórir frá HM2007.
31.03.2009
Gera má ráð fyrir að margir af sterkustu fimmgangshestum landsins muni berjast í Ölfushöllinni á fimmtudaginn en þá verður keppt
í fimmgangi í Meistaradeild VÍS. Keppni hefst klukkan 19:30 að venju. Hulda Gústafsdóttir hefur sigrað undanfarin tvö ár á Galdri
frá Flagbjarnarholti en gera má ráð fyrir því að aðrir knapar í deildinni muni sækja hart að því að ná titlinum
af henni.
31.03.2009
Mikil spenna er fyrir lokakvöldið í KS Deildinni sem fer fram miðvikudagskvöldið 1.apríl. Ómögulegt er að spá fyrir um sigurvegara
deildarinnar í vetur. Allt getur gerst þetta síðasta kvöld þar sem í þessum tveimum greinum sem eftir eru, er keppt við klukkuna.
30.03.2009
Nýr leiðari fyrir úrslit í gæðingakeppni mun líta dagsins ljós innan skamms. Sigurbjörn Bárðarson, formaður
fræðslunefndar LH, hefur verið með leiðarann í smíðum um nokkrt skeið og kynnt hann á upprifjunarnámskeiðum
gæðingadómara. Sigurbjörn segir að leiðarinn muni hafa töluverðar breytingar í för með sér.
30.03.2009
Stóðhesturinn Möller frá Blesastöðum 1A hefur skipt um eigendur. Kaupandinn er TY-Horsebreeding farm í Danmörku. Seljandi er Kráksfélagið
ehf.. Ræktandi er Magnús Trausti Svavarsson á Blesastöðum. Möller verður áfram á Íslandi, í það minnsta næstu
tvö til þrjú árin, í umsjón Magnúsar á Blesastöðum. Hann verður að öllum líkindum í útleigu á
Vesturlandi árið 2010, en annars heima á Blesastöðum.
30.03.2009
Nýhestamót Sörla verður haldið á Sörlastöðum laugardaginn 4. apríl klukkan 13:00.
Skráning verður frá klukkan 11:00-12:00. Skráningargjald er 1.500 krónur.
30.03.2009
Lokamótið í mótaröð Keiluhallarinnar og Gusts fór fram sl. laugardag í Glaðheimum í Kópavogi. Mótið var opið að
þessu sinni og lét góður fjöldi hestamanna sjá sig þrátt fyrir að kuldaboli biti hressilega í kinn þennan daginn. Keppt var í
öllum flokkum og urðu úrslit sem segir hér að neðan, auk þess sem stigahæstu knapar þriggja vetrarmóta voru verðlaunaðir
sérstaklega.
28.03.2009
Sjö knapar unnu sér rétt til þátttöku á Ístölti - Þeir allra sterkustu sem fram fer í Skautahöllinni í Laugardal
laugardaginn 4. apríl. Jafnir í tveim efstu sætum voru Jón Páll Sveinsson á Losta frá Strandarhjáleigu og Valdimar Bergstað á Leikni
frá Vakursstöðum. Komu þau úrslit ekki á óvart. Í þriðja sæti er Elmar Þormarsson á Þrennu frá
Strandarhjáleigu.