Lækkandi gengi krónunnar hefur ekki orðið til þess að auka sölu á hrossum til útlanda samkvæmt útflutningstölum. Samkvæmt upplýsingum frá Bændasamtökum Íslands hafa verið flutt út 932 hross það sem af er árinu. Á sama tíma í fyrra höfðu verið flutt út 1078 hross. Útflutningurinn hefur því dregist saman um 146 hross, eða 13,5%.

Alls liggja 32 tillögur fyrir Landsþingi LH sem haldið verður á Klaustri dagana 24. og 25. október. Nálgast má pdf. skjöl með dagskrá þingsins og tillögum undir hnappnum LANDSÞING hér til vinstri á síðunni. Á meðal tillaga er ein frá stjórn LH um að fulltrúum á Landsþingum verði fækkað.

Fáksmenn vilja fá að sjá endurskoðaða reikninga á Landsþingum LH. Ófært sé að reikningar Landsmóta séu ekki kynntir svo svo árum skiptir. Einnig vilja þeir fá að sjá bráðabirgðauppgjör þess móts sem er nýafstaðið hverju sinni. Þetta kemur fram í tillögu sem hestamannafélagið Fákur hefur lagt fyrir 56. Landsþing LH.

Keppnisnefnd LH er á móti þeirri tillögu Fáksmanna að keppendur í ungmennaflokki fái að keppa í meistaraflokki; keppa upp fyrir sig eins og sagt er. Telur nefndin að það skapi fleiri vandamál en það leysir.

Hestamannafélagið Hörður vill endurreisa Skógarhólanefnd og hefja viðræður við Þingvallanefnd um áframhald á þeirri þjónustu sem hestamenn hafa notið á Skógarhólum. Tillaga þess efnis liggur fyrir 56. Landsþingi LH.

Átta hrossaræktarbú eru tilnefnd til ræktunarverðlauna ársins 2008. Búin eru: Auðsholtshjáleiga, Fet, Hákot, Ketilsstaðir á Völlum, Lundar II, Skipaskagi, Strandarhjáleiga og Þúfur/Stangarholt. Eitt þessar búa hlýtur verðlaunin sem verða afhent á uppskeruhátíð hestamanna á Broadway.

Frá 1990 hefur orðið viðsnúningur í hlutföllum einkunna á jöðrum dómskalans. Hlutfall hrossa sem fengu 8,0 eða meira í aðaleinkunn árið 1990 var 6,5%. Á þessu ári fengu 36,8% sýndra kynbótahrossa 8,0 eða hærra í aðaleinkunn.

Sú tillaga sem olli hvað mestu fjaðrafoki og umræðum á 56. Landsþingi LH var tillaga Loga þess efnis að: hestar í keppni skuli vera járnaðir. Missi hestur skeifu dæmist hesturinn sjálfkrafa úr leik.

Vegna fréttar um verð á skeifum hér á www.lhhestar.is vilja forsvarsmenn hestavöruverslunarinnar TopReiter taka fram að þar eru allar skeifur á jafnaðarverði, hvort sem þær eru 6, 8, eða 10 mm. Í fréttinni var aðeins stuðst við verð á 8 mm skeifum. Skaflar í TopReiter kosta 70 krónur en ekki 95 krónur eins og samkvæmt fyrstu upplýsingum.

Sérsambönd innan ÍSÍ tilnefna nú eitt af öðru kandídata sína til íþróttamanns ársins. Landssamband hestamannafélaga hefur valið tvo knapa, mann og konu, sem sína íþróttamenn. Þeir verða kynntir föstudaginn 19. desember klukkan 16.00 í Íþróttamiðstöðinni í Laugardal.