Í slaktaumatöltinu kepptu fjórir Íslandingar og hlutskarpastur þeirra varð Reynir Örn Pálmason á Spóa frá Litlu-Brekku með 7,83 og eru þeir í þriðja sæti.

Fimmtudagurinn byrjaði á yfirlitssýningum kynbótahrossa. Tvö hross fædd á Íslandi komu fram, þau Buna frá Skrúð setin af Birni H. Einarssyni og Grani frá Torfunesi sýndur af Sigurði Vigni Matthíassyni.

Þriðjudagur og miðvikudagur á HM í Hollandi fóru í forkeppnir í fjórgangi og fimmgangi, auk sýninga kynbótahrossa sem standa yfir fram undir sólsetur.

Skrifstofa LH að Engjavegi 6, í Íþróttamiðstöðinni í Laugardal, verður lokuð á meðan HM íslenska hestsins stendur yfir í Oirschot í Hollandi.

Töluverður áhugi er á nýdómaranámskeið 2017 og setjum við hér með skráningu í gang. Ef næg þátttaka næst verður námskeiðið haldið í Reykjavík, bóklegi hlutinn verður seinnipartinn 16-18 ágúst og endar með prófi helgina 19 ágúst.

Stjórn Landssambands hestamannafélaga tók á fundi sínum þann 24. Júlí 2017 til afgreiðslu metumsókn í 100 metra fljúgandi skeiði. Mótið fór fram á Íslandsmóti á Gaddstaðaflötum við Hellu, mótssvæði Geysis þann 9. júlí 2017.

Stjórn Landssambands hestamannafélaga tók á fundi sínum þann 24. Júlí 2017 til afgreiðslu metumsókn í 100 metra fljúgandi skeiði. Mótið fór fram í Víðidal, mótssvæði Fáks, þann 27. maí 2017.

Þar sem það styttist sjálft heimsmeistaramót Íslenska hestsins í Hollandi þá er ekki úr vegi að vekja athygli á fyrirhugaðri umfjöllun RÚV um mótið.

Það var góð stemning á formlegri kynningu landsliðs Íslands í hestaíþróttum í verslun Líflands Lynghálsi í gær, en Lífland er einn aðal styrktaraðili landsliðsins. Smávægilegar breytingar hafa orðið á skipan liðsins en Sigursteinn Sumarliðason og Finnur frá Ármóti koma í stað Hængs frá Bergi og Jakobs Svavars Sigurðssonar í flokki 6v stóðhesta. Mikill hugur er í liðsmönnum og væntingar um góðan árangur á mótinu. Hestarnir fara með Icelandair 29 júlí og þeim fylgja nokkrir knapar og (fulltrúi landsliðsnefndar). Landsliðið flýgur svo út 2.ágúst. Rúv mun gera samantektarþætti á meðan á mótinu stendur og fyrsti þátturinn fer í loftið 6.júlí. Endilega fylgist vel með á rúv og ruv.is. Hér má sjá lista yfir fullskipað liðið og keppnisgreinar sem hver tekur þátt í.

Landslið Íslands í hestaíþróttum 2017 verður kynnt formlega hjá aðal styrktaraðila liðsins Líflandi Lynhálsi 4 í dag kl.17:00. Allir velkomnir