Simmi og Jói stýra Uppskeruhátíðinni. Hinir þekktu stuðboltar Simmi og Jói munu halda um stjórnartaumana á Uppskeruhátíð hestamanna sem fram fer á Broadway laugardaginn 8. nóvember nk. Þeir félagar eru vanir að ærslast með fólki og segjast hlakka mikið til að sprella með hestamönnum sem eru þekktir gleðimenn.

Aðalfundur Gæðingadómarafélagsins verður haldinn föstudaginn 7.nóvember í Harðarbóli (félagsheimili hestamannafélagsins Harðar) kl 18:00.

Frá Endurmenntun Landbúnaðarháskóla Íslands Þar sem mikil aðsókn er á námskeiðið Undirbúningur vetrarþjálfunar hefur verið sett á nýtt námskeið helgina 24.-26. október næstkomandi. Skráningarfrestur er til þriðjudagsins 21. október.

Gæðingadómarafélag LH stendur fyrir ráðstefnu um stöðu gæðingakeppninnar

Nú líður senn að næstu þjálfararáðstefnu Menntanefndar FEIF sem að þessu sinni verður haldin í hestaskóla Hollendinga, Deurne. Í Deurne er umfangsmikil starfsemi sem ráðstefnugestir fá að kynnast auk þess sem margir sérfræðingar á ýmsum sviðum hestafræðanna munu leggja sitt af mörkum til að gera þessa helgi lærdómsríka og eftirminnilega.

Mikill áhugi er á námskeiðum er viðkemur reiðmannsku. Í sumar bauð Endurmenntun LbhÍ fram tveggja ára námskeiðsröð er nefnist Reiðmaðurinn og hófu 44 nemendur nám á þeirri línu um síðustu helgi.

Aðalfundur HÍDÍ var haldinn mánudaginn 26.jan. og var þetta óvenju vel sóttur fundur, eða um 30 dómarar. Íþróttadómararar létu veðrið ekki á sig fá og komu nokkrir úr Eyjafirðinum. Sigurbjörn Bárðarson stjórnaði aðalfundinum röggsamlega. Rætt var um hin ýmsu mál íþróttadómara.

Stefnt er að því að flytja þau hross, sem talin eru að muni lifa af salmonellu sýkinguna, burt úr hesthúsahverfinu í Mosfellsbæ sem allra fyrst. Yfir tuttugu af fjörutíu sem veiktust hafa drepist og í gær voru ein fjögur sem talið var að myndu ekki lifa af.

Eins og fram hefur komið í fréttum hafa nokkrir hestamenn í Mosfellsbæ orðið fyrir umtalsverðum skaða nú um hátíðirnar. Samkvæmt síðustu fréttum hafa nítján reiðhross drepist af völdum salmonellu sýkingar. Þau voru í hópi fjörutíu hrossa sem voru í hagagöngu í hólfi við Esjurætur.

Gunnar Örn Guðmundsson, héraðsdýralæknir, sagði í samtali við LH-Hesta að enginn vafi léki lengur á því að um salmonellu sýkingu væri að ræða í öllum hrossunum sem veikst hafa. Hann segir flest benda til þess að sýkingin hafi verið til staðar í litlum tjörnum í beitarhólfinu.