Stóðhesturinn Aron frá Strandarhöfði mætir á Ístölt „Þeirra allra sterkustu“ og sýnir listir sínar. Óðssonurinn Aron hefur ekki komið fram í nokkur ár og ríkir því mikil eftirvænting að sjá klárinn en sýnandi hans verður Hinrik Bragason. Óður hefur hæst hlotið 8.54 í aðaleinkunn, þar af 8.75 fyrir hæfileika.

Happdrættismiðar til styrktar íslenska landsliðsins í hestaíþróttum eru nú til sölu í verslun Líflands að Lynghálsi. Í vinning er folatollur undir engan annan en Álf frá Selfossi. Gefandi tollsins er Christina Lund.

Úrtaka verður fyrir stórsýninguna "Fákar og fjör" þriðjudaginn 30. mars kl. 19:00. Ekki þarf að skrá sig, nóg að mæta á staðinn.

Aðfararnótt sunnudagsins 28 mars var brotist inn í hesthús við Hlíðarþúfur í Hafnarfirði. Þjófarnir höfðu á brott með sér fimm hnakka, nokkur beisli og önnur reiðtygi ásamt 5 hjálmum. Tjónið er að sjálfsögðu tilfinnanlegt fyrir eigendurnar sem ekki eru tryggðir sérstaklega vegna reiðtygjanna eða innbrots í hesthús.  

Nátthrafn frá Dallandi sigurvegari  Ístölts „Þeirra allra sterkustu“ 2009 mætir til leiks á laugardaginn, 3.apríl, í Skautahöllina í Laugardal og freistar þess að verja titilinn.

Opna æskulýðsmót Líflands og Léttis verður haldið laugardaginn 3. apríl n.k. í Top Reiterhöllinni og byrjar mótið klukkan 10:00. Keppt verður í tölti og fjórgangi.

Hinn eini sanni Orri frá Þúfu verður heiðurshestur Stóðhestaveislunnar í ár! Hann mun sjálfur mæta á svæðið ásamt nokkrum afkomenda sinna. Óhætt er að segja að enginn hestur hafi markað jafn djúp spor í íslenska hrossarækt fram að þessu og er það sannkallaður heiður að fá höfðingjann Orra til veislunnar!

Forsala aðgöngumiða á Ístölt "Þeirra allra sterkustu" er hafin í verslun Líflands á Lynghálsi og verslun Baldvins og Þorvaldar á Selfossi.

Úrtaka fyrir Ístölt "Þeirra allra sterkustu" fór fram nú í kvöld. Margir glæsilegir hestar og fallega sýningar sáust. Hér fyrir neðan er að finna þá knapa og hesta sem stóðu efstir í úrtöku og hefur verið boðið að taka þátt í Ístölti "Þeirra allra sterkustu" sem fer fram laugardaginn 3.apríl.

„Hér eru hross á öllum stigum, bæði ung og efnileg og eldri reyndari hross“ segir Sigurður Sigurðarson í Þjóðólfshaga þegar hann er spurður um hestana í hesthúsi sínu.