Bikarmót LH verður haldið dagana 23. og 24.apríl 2014 í Spretti og Fáki.

Enn magnast spennan í KEA mótaröðinni þegar síðasta kvöldið nálgast. Mótanefnd og fulltrúar liða liggja nú yfir hönnun og smíði þrautabrautar fyrir smalann. Stefnt er á að brautin verði tilbúin stuttu fyrir mót svo liðin geti æft sig. Það er kjörið fyrir þá sem ekki eru þátttakendur í mótinu að reyna að komast aðeins að og prófa að fara brautina. Höllin verður opin eins og áður fyrir mótið.

Hér má sjá niðurstöður KEA mótaraðarinnar þar sem keppt var í tölti.

Úrtökumót fyrir Ístölt – þeirra allra sterkustu, fer fram á laugardaginn kemur, þann 22. mars 2014 í Skautahöllinni í Laugardal. Keppnin hefst kl. 18:30.

Opnunaratriði Hestadaga í Reykjavík 3.apríl 2014 - Hér leiða saman hesta sína Hilmir Snær og hljómsveitirnar Brother Grass og Hundur í óskilum. Boðið verður upp á nýstárlegt, tónrænt uppistand í Norðurljósasal Hörpu. Íslenski hesturinn verður skoðaður frá öllum hliðum og rifjuð upp rysjótt sambúð hans við ótamin náttúruöfl og brokkgenga þjóð.

Úrtaka fyrir Ístölt þeirra allra sterkustu fer fram á laugardaginn kemur og hefjast leikar kl. 18:30. Vegna forfalla eru nokkur pláss laus fyrir þá sem vilja spreyta sig á Skautasvellinu í Laugardal. Skráning fer fram hér: http://skraning.sportfengur.com/ og greiða þarf með korti um leið og skráning fer fram.

Sprettskórinn heldur hina árlegu kórskemmtun og ball laugardaginn 22. mars 2014 í félagsheimili reiðhallar Spretts. Á söngskránni verða gamlar perlur í bland við nýjar, einsöngslög og dúettar. Grundartangakórinn verður gestakór á kórskemmtuninni.

Úrslit frá bikarmóti Harðar.

Ístölt þeirra allra sterkustu verður haldið laugardagskvöldið 5. apríl n.k. í Skautahöllinni í Laugardal. Það verður spennandi að sjá glæsitöltara og vígalega stóðhesta sýna þar listir sínar á ísnum. Heyrst hefur að mótið í ár verði eitt það sterkasta í áraraðir og öllu tjaldað til, enda Ístöltið 10 ára í ár!

Vegna veðurs hefur töltinu í KEA mótaröðinni sem vera átti í kvöld, fimmtudagskvöld, verið frestað. Áætlað er að halda mótið þriðjudaginn 18.mars í staðinn. Dagskrá mótsins er eftirfarandi: