Hestapestin svonefnda virðist heldur í rénun og eru mörg hross á góðum batavegi, segir Sigríður Björnsdóttir, dýralæknir hrossasjúkdóma. Hún segir meðal annars í viðtali við fréttavef Landsmóts að þær vikur sem til stefnu eru fram að Landsmóti ættu í flestum tilfellum að duga til að undirbúa hrossin fyrir mótið. Viðtalið við Sigríði í heild sinni fer hér á eftir.

Mótanefnd, firmakeppnisnefnd og stjórn Léttis funduðu í dag og ákveðið var að fresta Firmakeppni og Opna Norðurlandsmótinu sem halda átti í næstu viku. Stefnan er að halda firmakeppnina i kringum 17. júní ef heilsa hrossanna leyfir.

Vegna kvefpestar sem nú herjar á hross hefur verið ákveðið að framlengja skráningafrest á kynbótasýninguna á Sörlastöðum í Hafnarfirði til mánudagsins 10. maí. Hollaröðun mun því sennilega ekki birtast fyrr en föstudaginn 14. maí.

Á fundi framkvæmdanefndar Landsmóts hestamanna sem haldinn var í Skagafirði, 7. maí með dýralækni hrossasjúkdóma var ákveðið að ekki verði hvikað frá undirbúningi Landsmóts þrátt fyrir að smitandi hósti gangi nú yfir hrossastofninn. Kynbótasýningum verður fram haldið samkvæmt auglýstri dagskrá.    Ef á þarf að halda verða settar á aukakynbótasýningar sem eingöngu verða ætlaðar þeim hrossum sem ekki hafa áður getað mætt vegna veikinda. Í lögum og reglum Landssambands hestamannafélaga, grein 6.5, er heimild til þess að félögin haldi tvær umferðir Landsmótsúrtöku.  

Eins og fram hefur komið var dýralækni hrossasjúkdóma hjá Matvælastofnun tilkynnt um smitandi hósta í hrossum á Hólum í Hjaltadal hinn 7. apríl sl. Þeirri tilkynningu fylgdu upplýsingar um að veikin hefði sennilega mallað eitthvað en örguggustu tilfellin voru hestar sem komu til Hóla nokkru fyrir páska en veikin breiddist mjög greinilega út frá þeim.

Nú eru 4 vikur liðnar frá því tilkynning barst um smitandi hósta í hrossum, nokkuð samtímis í Skagafirði og á Suðurlandi. Þá þegar var ljóst að veikin hafði búið um sig um nokkra hríð, 3-4 vikur hið minnsta og kannski miklu lengur.Þó ekki sé búið að greina orsökina hefur nokkur reynsla safnast um gang veikinnar og myndin skýrist dag frá degi.

Á fundi stjórnar LH með þeim Gunnari Erni Guðmundssyni hérðasdýralækni Gullbringu- og Kjósarsýslu og Vilhjálmi Svanssyni dýralækni var lögð áhersla á að fara eftir tilmælum Sigríðar Björnsdóttur dýralækni hrossasjúkdóma hjá Matvælastofnun.

Undirbúningur fyrir Landsmót hestamanna gengur samkvæmt áætlun. Framkvæmdanefnd hefur þó áhyggjur af heilsu væntanlegra keppnishrossa út af svonefndri hóstapest. „Já, menn eru að vinna hörðum höndum við að koma svæðinu á Vindheimamelum í flott stand og skipuleggja alla þætti varðandi sýningar- og keppnishaldið. Því er hins vegar ekki að neita að kvefpestin er að hægja á þjálfun víðast hvar og við erum því í miklu sambandi við hestamenn og dýralækna um allt land til að fylgjast með gangi mála,“ segir Sigurður Ævarsson, mótsstjóri. „Við fundum nánast daglega og reynum að afla okkur allra þeirra upplýsinga sem fyrir liggja.“

Hollaröðun hefur verið birt á heimasíðu Búnaðarsambands Suðurlands www.bssl.is. Dómar hefjast kl. 13:30 mánudaginn 10. maí og lýkur með yfirlitssýningu miðvikudaginn 12. maí.                              

Norðurlandmót í hestaíþróttum verður haldið dagana 4. – 8. ágúst í Ypäjä í Finnlandi. Í Ypäjä eru aðstæður góðar og keppnisvæðið mjög skemmtilegt. Páll Bragi Hólmarsson verður liðsstjóri landsliðsins og sér hann einnig alfarið um að velja keppendur í landsliðshópinn.