Landssamband hestamannafélaga vill vekja athygli á því að búið að er að uppfæra Lög og reglur LH. Þær er hægt að nálgast hér vinstra megin á síðunni undir hnappnum Lög og reglur LH.

Haldið verður æfingamót fyrir börn og unglinga í Létti sunnudaginn 9. maí. Keppt verður í Tölt T1 og T8 – Fjórgangur V1. Leyfilegt er að mæta að hámarki með 2 hross og má skrá sig í eina töltgrein og fjórgang (leyfilegt er að mæta með báða hestana í báðar greinarnar).

Varla hefur hún farið framhjá nokkrum hestamanni sú kvefpest sem þessa dagana herjar á hrossastofninn. Ljóst er að pestin er mun alvarlegri en í fyrstu var talið og virðist hrossum mjög hætt við að slá niður ef ekki er varlega farið, þó menn telji einkenni horfin.

Því miður reyndust vera villur í þeirri útgáfu af Kappa sem gefin var út um miðjan apríl síðastliðinn. Búið er að laga villurnar. Þeir sem hafa sótt Kappa á vef LH á undanförnum 2 vikum þurfa því að sækja hann aftur og setja hann upp að nýju.

Nú eru 4 vikur liðnar frá því tilkynning barst um smitandi hósta í hrossum, nokkuð samtímis í Skagafirði og á Suðurlandi. Þá þegar var ljóst að veikin hafði búið um sig um nokkra hríð, 3-4 vikur hið minnsta og kannski miklu lengur.Þó ekki sé búið að greina orsökina hefur nokkur reynsla safnast um gang veikinnar og myndin skýrist dag frá degi.

Nú er verið að taka niður skráningar á kynbótasýninguna í Víðidal. Síðasti skráningardagur er í dag. Tekið er við skráningum í síma 480-1800 en einnig er hægt að ská hross til sýningar á heimasíðu Búnaðarsambands Suðurlands  www.bssl.is.  Þar er einnig að finna ýmsar gagnlegar upplýsingar um  kynbótsýningar o.fl.

Minnum á námskeið Tölvunefndar LH í dag, mánudaginn 3.maí, kl.17:00 ÍSÍ húsinu, 3.hæð. Mælt er eindregið með því að hvert félag sendi sinn fulltrúa á námskeiðið.

Mótanefnd Léttis hefur ákveðið að halda Töltmót, föstudaginn 7. maí. Mótið verður haldið á Hlíðarholtsvelli, Lögmannshlíð og hefst mótið kl. 18:00.

Smitandi hósti breiðist áfram út meðal hrossa sem haldin eru á húsi víða um land. Enn hefur ekki fundist hvað veldur en allt bendir til að um veirusýkingu sé að ræða sem magnast upp í þétt skipuðum hesthúsum. Í kuldatíð undanfarinna vikna hefur reynst erfitt að halda góðu lofti í húsunum án þess að slái að hrossum sem gengin eru úr hárum og má reikna með að það hafi haft sitt að segja. Búið er að útiloka allar alvarlegustu veirusýkingarnar sem þekktar eru og leggjast á öndunarfæri hrossa s.s. hestainflúensu, smitandi háls og lungnakvef/ fósturlát (herpes týpa 1) og Rhino-kvef. Unnið er áfram að greiningu bæði á Tilraunastöðinni á Keldum og á Dýralækningastofnun Svíþjóðar.

Íþróttamót Gusts, sem er opið World Ranking mót, mun fara fram í Glaðheimum í Kópavogi dagana 15. -16. maí nk. Skráning fer fram dagana 6. - 10. maí á vefnum www.gustarar.is undir liðnum skráning.