Sýningin Æskan og hesturinn var haldin í Top Reiter höllinni á Akureyri síðast liðinn laugardag. Óhætt er að segja að sýningarnar tókust vel og var húsfyllir  á fyrri sýninguna og góð aðsókn á þá seinni. Áætla má að um 1300 manns hafi komið á þessar sýningar. Atriðin voru góð og krakkarnir stóðu sig eins og hetjur.

 Kynbótasýning verður haldin í Hringsholti, Dalvík 13.-15. maí nk. Skráning í Búgarði, í síma 460-4477 eða á netfangið vignir@bugardur.is . Skráning er hafin en síðasti skráningar- og greiðsludagur er föstudagurinn 8. maí . Gefa þarf upp einstaklingsnúmer við skráningu.

Fundur um málefni LH og Landsmóts verður haldinn í Íþróttamiðstöðinni í Laugardal miðvikudaginn 6. maí kl 20-22 í fundarsal ÍSÍ. Til fundarins eru boðuð hestamannafélögin á höfuðborgarsvæðinu, auk Mána í Keflavík. Stefnt er að því að halda samskonar fundi um allt land á næstu vikum.

Firmakeppni Freyfaxa 2009 var haldin í Stekkhólma þann 1. maí síðastliðinn. Keppnin er ein helsta tekjuöflun félagsins ár hvert og kann Freyfaxi þeim fyrirtækjum sem studdu félagið í ár miklar þakkir. Hér eru úrslit mótsins:

Ný reiðhöll hestamannafélagsins Mána í Keflavík, Mánahöllin, verður vígð með pompi og prakt laugardaginn 9. maí. Boðið verður upp á hátíðardagskrá þar sem félagar í Mána, bæði börn og fullorðnir, sína listir sínar á eigin gæðingum, auk þess sem ýmsir góðir gestir koma í heimsókn. Húsið opnar klukkan 19.00.

Ljóskur að leik komu verulega á óvart á Stórsýningu Fáks sem haldin var í Reiðhöllinni í Víðidal um helgina. Þar sýndi Mette Mannseth listir sýnar á hryssunni Happadís frá Stangarholti.

Ljóskur að leik er eitt atriðiðanna sem verður á Stórsýningu Fáks annað kvöld, Mette Mannseth verður með tvö atriði á sýningunni  og annað þeirra heitir Ljóskur að leik atriði sem ekki má missa af. Sýnir hún samband milli manns og hest sem henni er einni lagið. Einnig verð  fjölmörg flott sýningaratriði. Sem dæmi Hafliði Halldórsson mætir sjálfur með Stórgæðinginn Ás frá Ármóti og Steingrímur Sigurðsson með Mídas frá Kaldbak.  

Sleipnismenn halda íþróttamót sitt um helgina á svæði félagsins á Selfossi. Hægt er að sjá allar upplýsingar um mótið með því að smella á fyrirsagnir í RSS glugga hér til vinstri sem merktar eru "sleipnir.is".

Sigurbjörn Bárðarson er sigurvegari Meistaradeildar VÍS 2009. Hann skaut yngri keppinautum sínum hressilega ref fyrir rass. Sigur hans var í höfn áður en úrslit í síðustu keppnisgreinni fóru fram. Eyjólfur Þorsteinsson, sem var með 9 stiga forskot fyrir lokamótið, náði ekki nema einu stigi út úr síðustu tveimur greinunum.

Á síðasta ári byrjaði Ben Media með þá þjónustu að taka upp kynbótahross fyrir eigendur og voru á þriðja hundrað hross fest á filmu. Í ár er ætlunin að taka upp öll kynbótahross sem koma í sýningu í Reykjavík, Hafnafirði og á Hellu.