Eins og skýrt hefur komið fram í fréttatilkynningum frá Mast er ekki hægt að tengja faraldur smitandi hósta sem nú fer um hrossastofninn við neinar veirusýkingar sem þekktar eru fyrir að leggjast á öndunarfæri hrossa. Þar eru meðtaldar herpesveirurnar EHV-1, EHV-2, EHV-4 og EHV-5.

Í dag er síðasti skráningardagur á kynbótasýninguna á Gaddstaðaflötum sem hefst 28. júní. Tekið er við skráningum í síma 480-1800 en einnig er hægt að skrá hross til sýningar á heimasíðu Búnaðarsambands Suðurlands www.bssl.is.

Páll Bragi hefur valið ungmennið Teit Árnason í íslenska landsliðið í hestaíþróttum fyrir NM2010 sem haldið verður í Finnlandi 4.-8.ágúst.

Gæðingakeppni Léttis verður haldin 24.-25. júlí á Hlíðarholtsvelli, Lögmannshlíð. Nánar auglýst síðar.

Kynbótasýning verður haldin á Gaddstaðaflötum við Hellu vikuna 28. júní til 2. júlí. Eins og sjálfsagt flestir vita var sýningunni sem vera átti 31. maí til 14. júní frestað vegna hrossapestar þannig nú þegar hefur verið tekið við þó nokkrum skráningum á sýninguna.

Þriðjudaginn 15. júní 2010, samþykkti ríkisstjórnin aðgerðaráætlun sem felur í sér að Tilraunastöð Háskóla Íslands í meinafræði að Keldum eru tryggðar kr. 15.710.000 til sérstakrar rannsóknaráætlunar sem felst í að greina orsök sjúkdómsins; smitandi hósti í hrossum sem lagst hefur á íslenska hrossastofninn undanfarna mánuði, greina uppruna hans, kortleggja smitdreifingu og varpa ljósi á eðli sjúkdómsins og þætti sem hafa áhrif á alvarleika hans.

Stjórn LH og Keppnisnefnd LH hafa ákveðið, í ljósi aðstæðna, að fella niður lágmarkseinkunnir fyrir Íslandsmót fullorðinna 2010.

Tillaga að rannsóknaráætlun var samþykkt í morgun á ríkisstjórnarfundi. Tilraunastöð Háskóla Íslands í meinafræði að Keldum og matvælastofnun lögðu fram tillögu að rannsóknaráætlun vegna smitandi hósta í hrossum en kostnaður við áætlunina er u.þ.b. 19 milljónir.

Liðstjóri hefur valið tvo knapa til viðbótar í íslenska landsliðshópinn sem tekur þátt á NM2010. Þau Snorra Dal og ungmennið Hönnu Rún Ingibergsdóttur.

Stjórn hestamannafélagsins Hrings býður til fundar um búfjárhald í Dalvíkurbyggð. Fundurinn er opinn öllum sem málaflokkinn varða á einn eða annan hátt. Fundurinn verður haldinn að Rimum, þriðjudaginn 15.júní kl 20:00.