Páll Bragi Hólmarsson liðstjóri hefur valið  Kristján Magnússon og hryssuna Alda frá Trengereid til að keppa fyrir Íslands hönd á Norðurlandamótinu í Finnlandi.

Íslenska landsliðið fyrir NM2010 er farið að taka á sig mynd. Liðstjórinn Páll Bragi Hólmarsson hefur nú valið Denna Hauksson og Venus frá Hockbo.

Hestamannafélagið Kópur hefur til sölu happdrættismiða. Miðaverð er 1500 kr. Dregið verður 21.júní 2010. Áhugasamir geta haft samband í síma 869-3486 (Kristín Ásgeirsd.) 865-5427 (Jón Geir) ef þeir hafa hug á að kaupa miða. Glæsileg vinningaskrá.

Sumarfjarnám 1. stigs almenns hluta þjálfaramenntunar ÍSÍ hefst 28. júní nk.  Námið tekur 8 vikur og gildir jafnt fyrir allar íþróttagreinar. Námið jafngildir íþróttafræði 1024 í framhaldsskólakerfinu og er metið sem slíkt.

Þáttaskil urðu í starfsemi Söguseturs íslenska hestsins er það fékk á dögunum húsnæði undir starfsemi sína, þ.e. sýninga-, rannsókna- og starfsaðstöðu.

Söguseturs íslenska hestsins og Héraðsskjalasafns Skagfirðinga munu opna ljósmyndasýninguna Hestar og menn á Hótel Varmahlíð, sunnudaginn 6. júní nk., kl. 16.00.

Fjöldi erlendra sjálfboðaliða hugðust koma til starfa á Landsmóti hestamanna í sumar.  Hluti þessara sjálfboðaliða eru á vegum samtakanna SEEDS og var áætlað að 9 manns kæmu þ. 21. júní til vinnu á Landsmóti og ynnu til 4. júlí en annar 9 manna hópur áætlaði að koma 27. júní og starfa á mótinu og viku eftir það eða til 11. júlí nk.

Æskulýðsnefnd Neista hélt uppskeruhátíð í gær fyrir alla krakkana úr námskeiðshópunum í vetur. Þau mættu flest ásamt foreldrum. Farið var í þrautabraut, ratleik ofl.

Páll Bragi Hólmarsson liðstjóri íslenska landsliðsins í hestaíþróttum hefur valið einn knapa í viðbót fyrir Norðurlandamótið í hestaíþróttum sem haldið verður í Ypäjä í Finnlandi 4. – 8.ágúst 2010.

Á fundi með knöpum 2. júní síðastliðinn í Félagsheimili Sleipnis kom fram að þeir teldu engan grundvöll fyrir því að vera með sýningu fyrr en í endaðan júní, ástandið væri þannig á hrossunum. Einnig óskuðu þeir eftir sýningu í lok júlí.