Karlatölt Harðar í samvinnu við Brimco, Verslunartækni og Spónarval verður haldið næstkomandi laugardag 9.febrúar í glæsilegri reiðhöll Harðarmanna og byrjar kl 14:00.

KEA mótaröðin verður í vetur haldin í reiðhöll Léttis á Akureyri. Á fyrsta mótinu sem haldið verður 14. febrúar, verður keppt í fjórgangi.

Aðalatriðið er ísinn - Nú styttist óðum í hið árlega Ístölt Austurland sem Freyfaxi stendur fyrir á Fljótsdalshéraði, en það verður haldið 23. febrúar n.k. Mótið fer fram eins og undanfarin ár á Móavatni við Tjarnarland.

Landsliðsnefnd LH mun verða á faraldsfæti þriðjudaginn 5. febrúar. Fulltrúar nefndarinnar ásamt liðsstjóra landsliðsins, Hafliða Halldórssyni, munu halda fund í félagsheimili Léttfeta á Sauðárkróki og kynna lykill að vali landsliðsins, dagskrá nefndarinnar fram á sumar og áherslur liðsstjóra.

Liðsstjóri landsliðsins, Hafliði Halldórsson, verður vitaskuld á fyrstu keppni Meistaradeildarinnar í Ölfushöll í kvöld. Þeim ungmennum sem stefna á HM-úrtöku í sumar gefst kostur á að hitta liðsstjórann og fara með honum yfir keppni kvöldsins. Hafliði mun hitta áhugasama í anddyri Ölfushallarinnar kl. 18:30.

Klikkernámskeið og The seven games Parelli. Ragnheiður Þorvaldsdóttir reiðkennari verður með "klikker námskeið" eða smellunámskeið, þar sem hesturinn er þjálfaður með hljóðmerkjum.

Mikil eftirspurn hefur verið eftir einkatímum og því höfum við ákveðið að bæta við fleiri tímum. Opið er fyrir skráningar hjá Ragnheiði Samúelsdóttur í einstaklingsmiðaða kennslu, hver og einn kemur á sínum forsendum með sinn hest til kennara og fær leiðbeiningar og/eða aðstoð.

Íþróttabandalag Reykjavíkur, Íþrótta- og Ólympíusamband Íslands ásamt Háskólanum í Reykjavík standa að íþróttaráðstefnu í tilefni af Reykjavíkurleikunum, fimmtudaginn 24. janúar í húsakynnum Háskólans í Reykjavík.

Landsliðsnefnd LH og Hafliði Halldórsson liðsstjóri íslenska landsliðsins sem fer á HM í Berlín í ágúst, hafa sett saman dagskrá fyrir áhugasama landsliðskandídata fram á vor. Dagskráin felur í sér námskeiða- og fyrirlestraröð með úrvals reiðkennurum, þjálfurum og fyrirlesurum.

Fyrrum formaður undirbúningsnefndar NM2014 og HM2015 Ole Søgaard tilkynnti í gær danska Íslandshestasambandinu (DI), samnorrænu undirbúningsnefndinni og FEIF að vegna ágreinings um formið á samvinnu landanna sem standa að nefndinni, vildi hann segja sig frá formennsku í henni.