Uppskeruhátíð Fáks verður laugardagskvöldið 5. des og að venju eru þeir sem unnið hafa vel fyrir félagið á árinu boðnir á hátíðina sem ákveðinn þakklætisvottur fyrir framlag þeirra til að halda uppi öflugu félagslífi í Fáki.

WorldCUP2010 fer fram 18.-20.febrúar 2010 í Óðinsvé, Danmörku, í tengslum við árlega FEIF ráðstefnu sem haldin er á sama stað og tíma. WorldCUP 2010 er einkarekið framtak, stutt af FEIF og DI. Þar verður m.a. hægt að sjá suma af bestu knöpum og hestum frá síðasta heimsmeistaramóti, sýningu rúmlega 30 1.verðlauna stóðhesta, þar af munu tveir stóðhestar sýna afkvæmahópa, folaldasýning, fyrirlestur Þorvaldar Árnasonar um BLUP kerfið og fyrirlestur Sigurðar Sæmundssonar.

60 ára afmælishátíð Landssambands hestamannafélaga verður haldin 18.des. nk. Í IÐNÓ, nánast á sama stað og sambandið var stofnað en stofnfundur var haldinn í Baðstofu iðnaðarmanna 18. desember 1949 þar sem tólf hestamannafélög lögðu grunninn. Gunnar heitinn Bjarnason leiddi undirbúningsvinnu að stofnun sambandsins en fyrsti formaður þess var H.J. Hólmjárn.

Hýruspor samtök um hestatengda þjónustu á Norðurlandi vestra sem stofnuð voru í janúar sl. hafa nú opnað heimasíðu www.icehorse.is. Þar er m.a. að finna flokka yfir þá þjónustu sem meðlimirnir Hýruspors bjóða upp á.

Helga Thoroddsen verður með almenna kynningu á Knapamerkjunum Íþróttamiðstöðinni í Laugardal (ÍSÍ húsinu við hlið Laugardalshallarinnar) þriðjudaginn 8.des. kl.19.30.

Kaupfélag Skagfirðinga og aðstandendur Meistaradeildar Norðurlands hafa ákveðið að halda áfram samstarfi um KS deildina árið 2010. Undirbúningur er kominn á fullt skrið og keppnisdagar hafa verið ákveðnir.

Nú um helgina fagna tvö aðildarfélög LH merkum áfanga í sögu félaganna.

Ísólfur Líndal, tamningamaður og reiðkennari við Hólaskóla, verður með sýnikennslu á vegum Félags tamningamanna í reiðhöllinni á Kjóavöllum fimmtudaginn 3. desember nk. Sýningin hefst kl. 20 og er miðaverði stillt í hóf, aðeins kr. 1.500, en skuldlausir félagar í Andvara og FT fá miðann á kr. 1.000.

Aðalfundur HÍDÍ verður mánudaginn 18. Jan. 2010 kl 20:00 í Íþróttamiðstöðinni í  Laugardal.    

Aðalfundur norðurdeildar Félags Tamningamanna verður haldinn miðvikudaginn 2. des. nk. í Reiðhöllinni Svaðastöðum kl. 20:00 Á fundinum verður Jakob Svavar Sigurðsson með fyrirlestur um þjálfun kynbótahrossa. Fyrirlesturinn hefst kl: 21:00.