Baldvin Ari Guðlaugsson handhafi Ormsbikarsins eftirsótta, sem er veittur fyrir sigur í tölti á Ístölt Austurland, er ekki af baki dottinn. Hann er bjartsýnn fyrir keppnina á laugardaginn og segist taka stefnuna á að vinna allar greinarnar þrjár, A-flokk, B-flokk og tölt.

*Í kvöld verður Guðmundur Arnarsson reiðkennari í Reiðhöllinni og leiðbeinir Fáksfélögum. Eins og venjulega er reiðkennslan á milli klukkan átta og tíu um kvöldið. Frí þjónusta - um að gera að nýta sér því alllar leiðbeiningar sem gera okkur að betri hestamönnum eru vel þegnar.

Æskulýðsnefnd Landssambands hestamannafélaga er á leið í fundaherferð um landið á næstu vikum í febrúar og mars.

Rangárhöllin á Gaddstaðaflötum verður formlega vígð næstkomandi laugardag, 21. febrúar 2009 kl. 13:00. Boðið verður upp á atriði ungmenna, frægir hestar koma fram og á eftir verða kaffiveitingar.

Ráðstefna um Sauðárkrókshrossin verður haldin á vegum Söguseturs íslenska hestsins, laugardaginn 21. mars 2009. Ráðstefnan fer fram í Frímúrarahúsinu á Sauðárkróki og hefst kl. 13.00. Ráðstefnustjóri verður Víkingur Gunnarsson. Þetta kemur fram á vef Söguseturs íslenska hestsins.

Æskulýðsmót á ís verður haldið á vegum LH í Skautahöllinni í Reykjavík á skírdag, 9. apríl. Afrakstur af mótinu rennur til æskulýðsstarfa innan LH. Keppt verður í unglinga- og ungmennaflokkum.

Undirbúningi fyrir ístöltsmótið Svellkaldar konur sem haldið er af Landssambandi hestamannafélaga til stuðnings landsliðs Íslands miðar vel. Skráning á mótið hefst á fimmtudaginn kemur, 19. febrúar og stendur til miðnættis mánudaginn 23. febrúar.

Síðasta skráningardagur vegna Ístölt Austurland er á morgun, en að venju rennur skráningarfrestur endanlega út um tíuleytið annað kvöld. Ístölt Austurland fer fram næstkomandi laugardag 21. febrúar. Skráningar fara fram á freyfaxi@freyfaxi.net og hjá Gunnþórunni í síma 847-0116.

Á næsta móti Meistaradeildar VÍS verður fyrsta happadrætti deildarinnar af fimm. Fyrsti folatollurinn sem dregið verður um er tollur undir Landsmótssigurvegarann Óm frá Kvistum. Ómur sigraði 5 vetra flokkinn á Landsmót eins og flestum er í fersku minni.

Af gefnu tilefni vil ég koma á framfæri að kynbótahross sem aðgengi hafa að væntanlegu Fjórðungsmóti á Vesturlandi næsta sumar, verða að vera skráð í eigu einstaklinga eða félaga með lögheimili á svæðinu frá Tröllaskaga að Hvalfirði við forskoðun í vor, þ.e. á hrossaræktarsambandssvæðum frá Hrossaræktarsambandi Skagfirðinga að Hrossaræktarsambandi Vesturlands.