Ráslistar á ístöltsmót kvenna "Svellkaldar konur" sem fram fer næsta laugardag liggja nú fyrir. Afskráningar, breytingar eða leiðréttingar skulu sendar á netfangið skjoni@simnet.is sem allra fyrst.

Minnum á skráningu í dag (þriðjudag) á Opna GK Gluggamót Harðar í Harðarbóli frá kl 19-22 og í síma 566-8282. Skráningargjald er 3.000 kr og keppt er í fjórgangi og fimmgangi.

Forsala aðgöngumiða á sýninguna Orri í 25 ár verður mánudaginn 14. mars að Ingólfshvoli milli klukkan 18.00 og 21.00. 

Annað mótið í mótaröð UMFÍ og LH verður í Ölfushöllinni Ingólfshvoli föstudaginn 11. mars og hefst kl. 18:00. Keppt verður í fimmgangi og gæðingafimi.

Úrtaka fyrir Stjörnutöltið verður haldin miðvikudaginn 9. mars kl 21.15 í Skautahöllinni. Úrtakan fer þannig fram að riðið er Ís-töltprógramm, þ.e. einn hringur hægt tölt, einn hringur með hraðamun á langhliðum og einn hringur fegurðartölt.

Folaldasýning Sörla var haldin að Sörlastöðum í dag, 5.mars. 41 folald var skráð til leiks og dómarar voru Svanhildur Hall og Magnús Lárusson.

Senn líður að fjórða móti Meistaradeildar í hestaíþróttum en þá verður keppt í fimmgangi. Mótið fer fram í Ölfushöllinni, Ingólfshvoli, næst komandi fimmtudag klukkan 19:30.

Folaldasýning Sörla verður haldin að Sörlastöðum á morgun, laugardaginn 5.mars og hefst hún kl.13.00. Frítt er inn á sýninguna og kaffisala gegn vægu verði. 39 folöld eru skráð til leiks og dómarar eru Magnús Lárusson og Svanhildur Hall. Dagskrá:  Fyrra holl (folald 1-20)  Hlé og uppboð  Seinna holl (folald 21-39)  Verðlaunaafhending

Nú eru væntanlega allir að setja sig í gírinn fyrir Kvennakvöldið annað kvöld. Stelpurnar í Kvennadeildinni hafa lagt blóð, svita og tár í að allt megi sem best til takast, enda verður enginn svikinn af því að mæta á Kvennakvöld í Fáki.

Fyrirhugað er reiðnámskeið með Ásdísi Helgu Sigursteinsdóttur reiðkennara. Ásdís Helga er menntaður reiðkennari frá Hólaskóla ásamt því að hafa náð góðum árangri bæði sem kynbóta- og keppnisknapi, heimasíða Ásdísar Helgu er http://asdishelga.123.is/home/