Það er heldur betur að hitna í kolunum fyrir Allra sterkustu á laugardagskvöldið! Ræktendur Arions frá Eystra-Fróðholti, þau Ársæll Jónsson og fjölskylda, hafa gefið landsliðinu folatoll undir hestinn! Tollurinn verður boðinn upp og fær hæstbjóðandi toll undir þennan magnaða ræktunargrip.

Nú eru línur heldur betur að skýrast varðandi ráslista ”Allra sterkustu” á laugardaginn. Jakob Svavar mun koma með gæðingshryssuna Júlíu frá Hamarsey. Júlía er fædd 2009, undan Auði frá Lundum II og Hviðu frá Ingólfshvoli og er í eigu Hrossaræktarbúsins Hamarseyjar.

Ásamt feikna spennandi töltkeppni þá mun hinn farsæli Ómur frá Kvistum koma fram og gleðja augu áhorfenda.

Lokahátíð Áhugamannadeildar Spretts – Equsana deildin 2018 – var haldin síðastliðinn föstudag. Gestir voru keppendur, þjálfarar, starfsmenn deildarinnar ásamt styrktaraðilum og öðrum boðsgestum. Á hátíðinni var frábærri mótaröð fagnað og ljóst er að fjórða keppnisár deildarinnar heppnaðist afburðavel.

Landsliðsnefnd LH er að hlaða í vígalegt töltmót um páskahelgina. Heimsmeisturum, Íslandsmeisturum og Landsmótssigurvegurum er boðin þátttaka og auk þess eru aðrir knapar með súpertöltara velkomnir að slást í leikinn.

Lokamótið í Áhugamannadeild Spretts, Equsana deildinni 2018, fór fram í gærkvöldi fyrir fullu húsi. Stemningin var mikil og keppnin gífurlega hörð sem sést í úrslitatölunum þar sem tvö pör voru jöfn í 2-3 sæti og í 4-5 sæti.

Samkvæmt lögum og reglum LH ber keppnisnefnd að gefa út lágmörk fyrir Íslandsmót á hverju ári, 3 mánuðum fyrir Íslandsmót. Það er parið, hesturinn og knapinn sem ná þurfa eftirfarandi lágmörkum. Vakin er athygli á því að einkunnir parsins mega vera allt að tveggja ára gamlar. Einkunnir sem nást í T3, V2, F2, T4 duga til þátttöku á Íslandsmóti.

Þriðja mótið í Meistaradeild Líflands og æskunnar, Toyota Selfossi fimmgangurinn, var haldið í gær í TM-Reiðhöllinni í Fáki. Mótið var afar skemmtilegt og var virkilega gaman að sjá knapana taka hesta sína til kostanna en nokkrir knapar voru að stíga sín fyrstu skref í fimmgangi.

Lokamótið í Equsanadeildinni fer fram fimmtudaginn 22. mars þegar keppt verður í tölti í Samskipahöllinni. Það er Top Reiter sem er styrktaraðili töltsins.

Þriðja mótið í Meistaradeild Líflands og æskunnar fer fram í TM-Reiðhöllinni í Fáki næstkomandi sunnudag, 18. mars. Keppt verður í fimmgangi í boði Toyota Selfossi og hefst forkeppni kl. 14:00. Mótaröðin er orðin ansi spennandi en eftir tvær greinar þá er staðan þessi: