Miðvikudaginn 26. ágúst verða fjórðu og síðustu Skeiðleikar Skeiðfélagsins í ár. Verða þeir haldnir að Brávöllum, félagssvæði Sleipnis á Selfossi og hefst keppni klukkan 19:00. Keppt verður í 100m, 150m og 250m skeiði. Allir Skeiðleikar Skeiðfélagsins eru World Ranking mót.

Opið stórmót hestamanna verður haldið á Melgerðismelum 21.-23. ágúst. Keppt verður  í A- og B-flokki, barna- unglinga- og ungmennaflokki og verður forkeppnin með þrjá inni á vellinum í einu.

Afsökunarbeiðni Frá barnæsku hefur hestamennskan veitt mér ómælda gleði. Þar hef ég eignast flesta af mínum bestu vinum. Í hestamennskunni liggur mitt ævistarf.

Opið Íþróttamót Þyts var haldið 7. og 8. ágúst. Mótið gekk vel í alla staði og aldrei hefur verið eins mikil skráning á íþróttamóti hjá Þyt eins og var um helgina. Mótanefnd vonast til þess að sjá sem flesta að ári.

Sölusýning hrossa verður á Melgerðismelum í tengslum við stórmót helgina 21.-23. ágúst. Skráning með upplýsingum um nafn, lit, aldur, ættir, lýsingu og verð sendist á tölvupóstfang fellshlid@nett.is í seinasta lagi þriðjudaginn 18. ágúst.

Jens Einarsson: Árangur Íslendinga á HM09 er allgóður, þótt hann sé ekki jafn glæsilegur og stundum áður. Ef eingöngu er tekið Sportið, þá er staðan sú að í fullorðinsflokki unnust fjögur gull, fjögur silfur og eitt brons. Eftirsóttustu verðlaunin, Tölthornið, kom í hlut Íslendinga.

21.-23. ágúst verður haldið mikið mót á Melgerðismelum. Þar verður gæðingakeppni í öllum flokkum, töltkeppni og kappreiðar með öllum skeiðgreinum og 300 m stökki og brokki. Peningaverðlaun verða í töltkeppni og kappreiðum.

Jóhann R. Skúlason og Hvinur frá Holtsmúla eru heimsmeistarar í tölti. Jóhann og Hvinur stóðu efstir eftir forkeppnina með 8,43 í einkunn. Í A-úrslitum bættu þeir um betur, hlutu hvorki meira né minna en 8,78 í einkunn og stóðu þar með langefstir. Þar með var það ljóst að tölthornið var á leið heim aftur eftir stutta dvöl í Noregi.

Þjóðverjarnir Lena Trappe og Vaskur von Lindenhof eru öruggir heimsmeistarar í fjórgangi. Lena og Vaskur stóðu efst eftir forkeppnina og héldu yfirburðum sínum í A-úrslitunum sem skilaði þeim heimsmeistaratitlinum.

Stian Petersen og Tindur frá Varmalæk eru heimsmeistara í fimmgangi 2009 en þeir keppa fyrir Noreg. Stian og Tindur fóru lengri leiðina að titlinum en þeir enduðu í 9.sæti eftir forkeppnina, sigruðu B-úrslitin, mættu feikna sterkir til leiks í A-úrslitum og uppskáru heimsmeistaratitilinn.